كيف أنسي ؟؟

سوف أنسى الأمس واليوم وقد أنسى غدا

وسأنسى فترة فى العمر قد ضاعت سدى

غير أنى سوف لاأنسى سؤالاً واحداً

حين قال القلب يومَا في ارتباك كيف أنسى؟

كيف أنسى فترة الطيش وآثام الصبا

حين كان القلب رخواً كلما قام كبا

أسكرته خمرة الإثم فنادى طالبا

كلما يشرب كأسَا يملأ الشيطان كأسا

كم دعاني الرب يومَا فأشحت الوجه عنه

وأرانى قلبه الحاني أنا الهارب منه

قال كن صدراً لقلبي غير أنى لم أكنه

كان قلبي في صدوري مثل صخر كان أقسى

قال هل تحضر ياصاحب عرسي فاعتذرت

فأعاد القول في رفق وعطف فضجرت

فتولى بعد أن قال انتظرني ماانتظرت

لم تكن في القلب أشواق لكي أحضر عرسَا

كجحيم ذلك الماضي كشيطان مريع

قائم ضدي في صحوي وأيضَا في هجوعي

كم مضى الليل وقد بللت فرشي بدموعي

إيه ياظلمة نفسي هل ترى أبصرُ سمسَا

قرأ الكاهن حلاً فوق رأسي فاسترحت

قال لي هيا اصطلح بالرب هيا فاصطلحت

قلت أنسى الأمس لكن صرخ العقل فصحت

حسن ياقلب أن أنسى ولكن كيف أنسى

كيف أنسى فترة الطيش وآثام الصبا

كيف أنسى الرب مصلوباً وقلبي صالبا

يا مريم البكر فقتي الشمس والقمر

قوم يا قبطي

كلمات كتبتها بدموعي ودم قلبي من الله ان آنال هذا الأكليل ولكن هيهات بيني وبينهم **
قوم يا قبطي شوف دم أخوك الثمين
خذ له حقه ده دمه غالي عند ربك الأمين
شوف جدودك ضحوا كيف وسط الفرح والآنين
أوعي تقولي احولهم خدي كي...ف احول لمين لمتوحشين؟
وللا تسامح وتصفح وتطاطي رأسك للمجرمين الوهابيين
عُمر الصُفح والتسامح والخنوع ما يجيب حقوق المذبوحين
أوعي تكون نسيت واحد وعشرين بالكشح مذبوحين
قتلوهم والقضاة برئوهم مش بأقولك دولا عنصريين؟
منهم وهيب ووائل وبونه وعاطف ورفعت وجدوهم مذبوحين
والا ميسون الطفلة اللي جرت منهم وذبحوها بالسيوف
وعبد المسيح وبنته سامية وتادرس قطعوهم بالسكاكين
وعادل وناصر ومعوض ولبيب مزقوا جسدهم المجرمين
وممدوح وحليم وزكريا مثلوا بجسدهم وسط الصراخ والأنين
ورفعت وعمدان وجابر اللي فوق الخمسة وثمانين
وكمال وجرجس بالعديسات بالأقصر متقطعين
مش بأقولك دولا ما لهمش غير رجولتك أنت والملايين
وأبونا ابراهيم ومحروس وناصر وفي طحا الاعمده
قتلهم الملازم احمد الكيلاني وفي الترعة كان مصيرهم غرقانين
وجوه الكنيسة بابوقرقاص قتلوا تلتاشر من اخواتك وعالقاتل دايما متسترين
برضه ها أقلولك أساميهم وده فخر ليا وليك وللملايين
أيمن وجوزيف وألفت وعادل وإدوارد مع السماء متواعدين
وميلاد ومجدي وبخيت وصموئيل كانوا عالكنيسة مواظبين
وفرج وأبراهيم ووليم و صموئيل زفوهم لصفوف السمائيين
وأمك وزوجتك وأختك وبنتك للخطف والأغتصاب متعرضين
في الزاوية الحمراء والخانكة قتلوا أهلك والسادات تسترعالمجرمين
مئات راحوا ضحايا والحكومة قالت تمانين
منهم ابونا مكسيموس رفض ينطق شهادتهم فقتلوة الشياطين
ومعاه اسامة وزخاري ومجدي وجريس ومملوك وذكي وجورج المحبوبين
وعزيز وكامل ورياض وملاك وملك وحبيب وجدوهم محروقين
وناشد وفايز وشنودة وعياد وبنيامين رجموهم الكافرين
وفي بمها وجرزا فالعياط بالجيزة منازل ومتاجر أهلك محروقين
وفي فرشوط بنجع حمادي خمسين منزل ومتجر مسلوبين ومنهوبين
ورفيق وأيمن ومينا وأبانوب وبيشوي وبولا دمهم بيصرخ من قضاة ظااااالمين
واربعتاشر قبطي في مزارع صنبو بأسيوط بالسيوف متقطعين
طبعا ناسيهم لكن ها اقولك علي اساميهم وينزف قلبي الحزين
الفي وسمعان وايليا وعياد وكمال ذبحوهم الوهابيين
وسمير وفهمي وعادل و الطفل إليشع خنقوة السفاحين
ومنصور وصبحي وجميل وفاروق وبرتي همه دول الفائزين
وميلاد في الدفش قتلوة ويشوع بالطيبة ذبحوة المتوحشين
ونبيل بطرس في مغاغة بيدافع عن ارضة فبالنار ضربوة المعتوهين
والأمن دايما بيتستر عليهم ويساعدهم طبعا وبيمدهم بالتموين
وفي بهجوره قتلوا كريم وشفيق وشمعون ووجية لانهم مسيحيين
وكان معاهم تامر وجاب الله وثروت وسمير برضة عالمصير متواعدين
أنهض وبلاش تراخي عُمر الخوف ما يجيب حقوق المظلومين
نومك وخوفك ها يخلي أهلك وعيالك ها يعيشوا مذلولين
أبائنا بنيامين وأغاثون ومعاهم علمانيين في المحرق قتلوهم المجرمين
والحُكم دايما بالبرائة والظلم صفة قضاة عنصريين
يرضيك اخواتك يتقتلوا علشان لدور عبادة مطالبين؟
وأدي عشرات علي باب كنيسة الشهداء في الاسكندرية مُتفجرين
وعمي نصحي علي بابها برضه قتلوه قال ايه دول معتوهين
وفي اسكندرية قتلوا تريز وبطرس والفونس وسامي يا بختهم بلقاء السمائيين
وكمال والطفل مايكل يا بختهم لانهم اصبحوا سمائيين
حتي في الجيش هاني صاروفيم وجرجس رزق قتلوهم لانهم مسيحيين
وفي العمرانية قتلوا ناصر واترملت مراته واصبح اطفاله متلوعين
لو كتبت لك مش ها أخلص ده من ألاف السنين
لكن اوعي تنسي انهم سفكوا دمهم لنعيش انا وانت واخوتنا الباقيين
ها أفضل أصرخ وأنادي وأقول يا قبطي يا أمين
يالله قوم وأخلع رداء الخوف والخنوع والمتخازلين
قوم يا قبطي دم أخوك بيناديك حقه في رقبتك دين وواجب عليك

ابنك حزين يا أمي

04/08/2009
كتب عزت عزيز حبيب المحامي
ابنك بيصرخ يا أمي , حزين وهوه في حضنك. أبنك بيصرخ, حزين عليكي وعلي ولادك أللي نسيتيهم .. قالوا له في دستورهم انه مواطن ذي غيره لكن يا أمي هو حاسس بانه منبوذ وهو في حضنك.. ابنك بيصرخ علي أخواته اللي ماتوا في عصر السادات من الزاوية للخانكة اللي ماتوا فيها المئات وكذب عالعالم لكن ربنا أعطاه جزاته.. وأنا حزين علي أولادك بالكشح اللي قتلوهم لانهم بيحبوا مسيحك يا أمي .. شوفتي صورة ميسون يا أمي؟ ميسون بنتك عمرها حداشر سنه طبعا انتي عارفاها طبعا لأنها بنتك.. شوفتي عملوا فيها ايه يا أمي ؟ مزقوها بالسكاكين والسيوف !! ايه اللي عملته ليذبحوها عالمكشوف؟؟ عارفه يا أمي ان ميسون خافت منهم وجرت واترمت في حضن أخيها عادل فجري وراها المتوحشين وقتلوهم همه الاتنين .. شوفتي ليه انا باصرخ.. انا مش بأصرخ لان ميسون وعادل وسامية وعبد المسيح وعمدان ورفعت وتادروس وناصر ومعوض ولبيب وممدوح وحليم وزكريا وجابر و بونا ووائل و وهيب وعاطف أستشهدوا لكن حزني يا أمي علي اللي بيسموهم قضاه برئوا المتوحشين يا أمي!!
وتستروا عليهم ! واحد وعشرين من ولادك يا أمي ذبحوهم كالخراف والأمن شايفهم والعدالة غمضت عنيها عنهم ليه يا أمي ؟ معقوله يا أمي لانهم مسيحيون؟ تصدقي كل ده يا أمي؟؟ عارفة يا أمي لما شوفت صورة ميسون ووجها ممزق وشقوا جسدها الرقيق بالسيوف صرخت يا امي وبكيت لان ده مش يمكن يكون طبع الحيوانات المتوحشه..حتي عمي جابر سدراك يا أمي ما رحمهوش رغم عمره اللي تعدي خمسه وتمانين سنه ,. يرحموه كيف يا امي وهمه لا يعرفوا أيه هيه الرحمه..؟؟ سمعتي عن عمي نصحي يا أمي؟ عمي نصحي ده من أسكندرية دخل عليه واحد عاقل بعد ما لف كل الحته يبحث عن الكنائس ليقتل ويذبح وهوه مطمن ان الشهاده جاهزه انه مش عاقل!! ودخل قتل عمي نصحي وجاء المحافظ وهوه مجهز شهاده تقول ان القاتل مش عاقل ذي ما بيقولوا كل مره يا أمي !! قتلوه وهو بيصلي في جمعة ختام الصوم.. طيب سمعتي عن عمي كمال هوه والطفل جرجس في العديسات؟ يوم الآربع تمنتاشر يناير سنة ألفين وسته سمعنا كلام قاله الضابط الكبير احنا مش جايين نحميكم ده احنا جايين نمنعكم من الصلاة!! شوفتي يا أمي الصلاة بقيت جريمة بتيجي الحكومة علشان تمنع عنها عبيدك وتسيب الوحوس تقتل في اللي بيصلوا ومات كمال ومعه الطفل جرجس .. قتلوهم بالجنازير والعصي لانهم بيصلوا لمسيحهم !! طيب سمعتي يا أمي عن سعد كامل شحاته اللي من قرية كوم اللوفي بسمالوط منيا لما هدوا له بيته وحرقوه يوم سته وعشرين أكتوبر ألفين وسته لان جيرانه قالوا ده جايب ناس وبيصلوا فيه!! شوفتي يا أمي الصلاة بقي جريمه كيف؟ ها أقولك ايه ولا ايه يا أمي ده انا لو حكيت لك مش ها أخلص وانا مش عايز اشيلك همومي وحزني وألمي وظلمي لكن لازم أقولك علي ولادك أللي قتلوهم في جيشك وهمه بيخدموكي بقلبهم !! طبعا سمعتي عن هانى صاروفيم نصر الله من قرية الرحمانية قبلى بلد مركز نجع حمادى محافظة قنا - كان مجندا بالمنطقة الجنوبية باسوان - بالوحدة رقم 2152-ج-33 اللي في أربعه أغسطس الفين وسته قتله القائد لانه رفض ينكرمسيحه الحي القدوس وبعد ما قتله يا أمي حرقه _ايوه حرقه يا أمي – ورماه في النيل شوفتي يا أمي الوحوش البشرية بتعمل ايه؟ عارفه يا أمي الطب الشرعي قال انه تحلل ومش ها يقدروا يعرفوا سبب الوفاة أيه !!! وطبعا سمعتي عن جرجس رزق يوسف مقار اللي كان عمرة عشرين بالتمام ده من القوصية محافظة اسيوط يعني صعيدي كمان وهو برضه مجند بمركز تدريب مبارك طريق السويس .. جابوه لأبوه قتيل بعد خمستاشر يوم بس من تجنيده وقال ايه يا أمي عنده قال أنيميا ومات بسببها في القطر وهوه جاي لكن زملاته شافوه وهوه بيضربوه في المعسكر .. لكن أنا يا امي عرفت انه أنضرب في خصيتيه واللي شافوه شهدوا عليه وقالوا نجيب الطبيب الشرعي يكشف عليه وقدمنا طلبنا لكل الجهات في القوصية واسيوط وكل النيابات ولغاية دلوقيت يا أمي أحنا منتظرين لكن تقرير هاني صاروفيم كان شامل جرجس كمان ..حتي كهنتك يا أمي ورهبانك ما رحمهمش الأرهابيين كمان .. في يوم السبت واحد مايو ألفين واربعه جاء ضابط برتبة ملازم اسمه أحمد الكيلاني وقبض علي ابونا أبراهيم ميخائيل والشمامسه اللي معه لانهم بنوا سور الكنيسه أللي كان متهدم!! تصدقي يا أمي ان الضابط ألقي بهم بالترعة وأستشهد ابونا ابراهيم ومعاه الشماس/ محروس ميلاد شيحة والشماس/ ناصر فهيم بسخيرون؟؟ ليه يا أمي كل ده يحصل من ناس غريبه عنكي لولادك الأصليين أللي بدم أبائهم وجدودهم ارتوت أرضك؟ ها اقولك ايه ولا ايه ومش ممكن انسي أبونا بنيامين وابونا أغابيوس اللي قتلوهم علي باب دير المحرق يوم الجمعه اتناشر مارس ألف وتسعمائة واربع وتسعين وقتلوا معاهم تلاته من خيرة شبابك !! طبعا مش ها أنسي شهدائك بأبو قرقاص وصنبو وديروط والقوصية والعياط جيزه ومنشاة دملو وسمالوط ومش ممكن أنسي أبي القمص مكسيموس جرجس الذي رفض أن ينكر سيده، فنال إكليل الشهادة في 17 نوفمبر1981 والقس شنودة حنا عوض بالنوبارية وفي طما وفي منفلوط شهداء كثيرون مش ها ننساهم أيضاً، ومش ها ننسى سامي يعقوب ميخائيل من تجار مير مركز القوصية أسيوط الذي رفض دفع الجزية فقتلوه هو وولديه أمير العريس منذ شهرين وعجيب ولديه سبعة أولاد. وهل ننسى شهداء عزبة الأقباط بالبداري والتي نال فيها سبعة من خيرة شبابها أكاليل الشهادة؟ وشهداء ببلاو لن ننساهم أيضاً ومش ها ننسي الدكتور صبحي بخيت منقريوس الذي استشهد أمام زوجته و أطفاله أبرام ومينا ومرنا. مش قلت لك يا امي مش ها اقدر اقولك علي كل اللي جوايا؟ ده عدد شهدائك كتير قوي يا أمي وياريت يسامحوني لاني مقدرتش اذكرهم كلهم.. شوفتي انا حزين كد ايه وليه يا أمي؟ حزين علي أخواتي اللي راحوا وعلي بلدي اللي نخرها سوس التعصب والكراهية وفتك بيها مرض العنصريه اللعين.. سأبقي حزين يا أمي عليكي كمان وها أورث حزني لولادي من بعدي لو ما صحيتيش يا أمي ودستي برجليكي علي أللي بيقتلوا ولادك!!؟ سابقي حزيناً ومش ها أسيبك أبداً يا امي وسأروي ارضك بدمي ذي ما جدودي رووها من قبلي..